Toekarena

Orinasa mpamokatra savony Mikaikaika amin’ireo mpifaninana tsy ara-dalàna

Toekarena
Alatsinainy 25 Jona 2018

Mikaikaika ny amin’ny fisian’ireo mpifaninana tsy ara-dalàna mampiditra entana eto amintsika ny ankamaroan’ny orinasa Malagasy.

Ho an’ireo mpamokatra savony sy ny vovo-tsavony, ohatra, dia betsaka ireo mpifaninana tsapan’izy ireo fa tsy manara-penitra akory zava-bitany saingy tafiditra malalaka eto amintsika sady miparitaka etsy sy eroa ny vokatra vokariny. Ankoatra izay, raha 20 % ny hetra nalaina tamin’izy ireny tamin’ny taona 2012, raha araka ny fanazavan-dRamaroson Thierry, tompon’andraikitra voalohany eo anivon’ny orinasa Savonnerie tropicale dia nampidinina ho 10 % ankehitriny izay hahazoan’ireo mpanafatra entana tombony 50 % be izao. Miantso ny fanjakana mba hijery mikasika ity fifaninanana tsy ara-dalàna ity izy ireo. Nomarihiny fa efa nisy ihany ny fepetra noraisin’ny fanjakana saingy mbola tokony hanaovana ezaka bebe kokoa. Lohalaharana amin’ireny ny fampiharana ny lalana mikasika ny fenitra momba ny savony sy ny vovo-tsavony izay tena misy eto amintsika tokoa saingy ny fanatanterahana azy no tsy misy.

Pati