Toekarena

Orinasa kanadianina mitrandraka ao Ambatolampy Ara-dalàna, hoy ny minisitera

Toekarena
Alatsinainy 02 Oktobra 2017

Olona 4 ihany sisa no mitsipaka ny fitrandrahana Grafita ataona orinasa kanadianina iray ao Ambatolampy, Ambilaninony, hoy ny tompon’andraikitra iray avy eo anivon’ity orinasa ity.

Efa voaloa daholo ny vola amin’ireo tompontany voakasiky ny fitrandrahana. Hiezaka ny hijery ny lafiny sosialy toy ny fanaon’ireo orinasam-pitrandrahana rehetra izay mitrandraka amina toerana iray toy izao izahay, hoy ity tomponandraikitra ity, ary efa miainga izany, toy ny tetikasa fananganana lavadrano sy kianja filalaovam-baolina ho an’ireo tanora. Mpianatra miisa 500 ihany koa no efa voazara fitaovam-pianarana hiatrehan’izy ireo ny fidiran’ny mpianatra. Nanamafy moa ny avy eo anivon’ny minisiteran’ny harena ankibon’ny fa ara-dalàna ny fitrandrahana ataon’ity orinasa ity. Tsy voazava kosa hatreto ny antony nanakanana ireo mpanao gazety tsy hiditra tao amin’ny toeram-pitrandrahana ny herinandro lasa teo.

J. Mirija