Toekarena

OPENFLEX Nanome fiofanana momba ny varotra mahomby

Toekarena
Alarobia 11 Aprily 2018

Taorian’ny teny Expo Forello Tanjombato dia nanofana olona teny amin’ny Iscam Ankadifotsy indray omaly Atoa Simon Lee, tompon’andraikitra eo anivon’ny Ong Stileex Numafri sy ny Openflex.

Anisan’ny nanofanany olona tamin’izany ka nampitany ny traikefany sy ny fahaiza-manaony ny momba ny fahazoana mpanjifa ho an’ireo maniry ny hivarotra, ao anatin’ilay hetsika herinandron’ny “ Mon idée, ma start-up”. Tanjona amin’izany ny mba hahafahana manohana sy manampy ireo tanora Malagasy hirotsaka eo amin’ny sehatry ny fandraharahana, lavitry ny fatiantoka. Anisan’ny nampianarany ireo mpandray anjara tamin’izany ny fomba hitazonana mpanjifa rehefa azo izy ireny, ny fikojakojana ny fiaraha-miasa mba haharitra, ny fomba fivarotana ny entana hamidy, raha eo ihany koa ny fitsinjovana sahady ny vola hiditra any am-paosy. Anisan’ny nifanohana tamin’ny Ong Stileex tamin’izany moa ny Ong Le Ceentre eo anivon’ny Iscam Ankadifotsy. Tsiahivina fa manomboka miroborobo tanteraka eo amintsika ankehitriny ny fikirakirana ny logiciel. Antony manosika an’Atoa Simon Lee hanampy ny mpiara-belona izany, raha anisan’ireo lehibena “incubateur” miisa dimy aty Afrika ihany koa ny tenany. Notoloran’ny Openflex logiciel maimaimpoana avokoa moa ny mpiofana rehetra taorian’izay.