Toekarena

Nosy Sainte Marie Tsy hisy mpizahantany hijery trozona amin’ity taona ity

Toekarena
Zoma 29 Mey 2020

Ahiana ho taona tsy mahavokatra ho an'ny fizahantany mihitsy ity taona ity ho an'ny Nosy Sainte Marie.

Na dia efa manakaiky aza ny vanim-potoana fandalovan'ny trozona na ny baleine ao Sainte Marie izay manintona mpizahantany betsaka isan-taona dia tsy misy hetsika ara-pizahantany intsony mihitsy ao an-toerana nanomboka ny 20 martsa, fotoana niantombohan'ny fahamehana ara-pahasalamana. Manafoana ny famandrihan-toerany avokoa ireo mpizahantany nikasa hitsidika ity Nosy ity. Diso fanantenana tanteraka ireo avy ao amin'ny ofisim-paritry ny fizahantany ao Sainte Marie. Tsara dia tsara mantsy ny vokatra tamin'ny taona 2019 ary nanantena fivoarana 10 na 15% izy ireo tamin'ity taona ity. Tsy ny mpikarakara ihany no misedra olana fa anisan'ny mikaikaika koa ireo tompon'ny hotely fandraisam-bahiny izay tsy misy asa noho ny fikatonan'ny sidina sy ny sisin-tany.

Pati