Toekarena

Mpizahatany tonga eto Madagasikara Nihena 15 % noho ny pesta

Toekarena
Alatsinainy 30 Oktobra 2017

Nihena 10 ka hatramin’ny 15 % ireo mpizahatany tonga nitsidika antsika teto Madagasikara hatramin’ny nisian’ny pesta, hoy ny tompon’andraikitra iray eo anivon’ny ofisim-pirenena momba ny fizahantany na ny ONTM.

Notsindriany fa miezaka mametraka paikady avokoa ankehitriny ireo mpandraharaha mivelona amin’ity sehatra iray ity mba hamerenana amin’ny laoniny ny sehatry ny fizahantany eto amintsika. Manana ny azy manokana ihany koa ny ofisim-pirenena momba ny fizahantany. Anisan’ny hetsika sy paikady hotanterahin’izy ireo ato ho ato ny famoahana horonantsary fanadihadiana hataona mpizahatany vahiny hijoro vavolombelona momba ny fizahantany nataony teto Madagasikara na dia teo aza ny aretina pesta. Ezahina haparitaka amina tambajotran-tserasera maro samihafa ny fijoroana vavolombelona tsy hampatahotra ny hafa. Ho an’ireo mpandraharaha misehatra amin’ny fizahantany sasany eto amintsika dia tsiahivina fa efa mahatratra 35 % ny tahan’ny fanafoanana ny famandrihan-toerana efa notanterahin’izy ireny. Ho an’ireo nosy madinika sasany manodidina antsika toa an’i Seychelles indray dia efa voasakan’ny tompon’andraikitra tsy hankaty Madagasikara avokoa ireo mponina ao aminy raha misy amin’ireo nosy sasany mihitsy no tsy mamela antsika teratany Malagasy hiditra any amin’ny fireneny.

Pati