Toekarena

Mpaninjara solika Tokana ny orinasa mpamatsy

Toekarena
Alarobia 17 Mey 2017

Tsy fandraisana andraikitry ny fanjakana mahefa no mampitotongana sy mampivarilavo ny fiainan�ny mponina eto Madagasikara, hoy ny profesora Ralison Roger.

Miantehitra loatra amin’ny fanampiana avy any ivelany rahateo ireo fitondrana nifandimby teto amintsika nefa tsy nampiova ny fari-piainan’ny vahoaka Malagasy. Zava-misy hatramin’ny tetezamita lavareny moa ny fanjavonan’ny sokajy anelanelany ahitana ireo mpanjifa betsaka indrindra. Efa fantatry ny mpitondra mahefa ihany koa fa fototry ny fiakaran’ny vidin’entana sy ny fidangan’ny vidim-piainana manerantany ny resaka famatsian-tsolika. Mbola manafatra io vokatra fototra amin’ny fandraharahana io rahateo hatreto ny firenentsika. Tsy afaka ny miditra amin’ny famerana ny vidin-tsolika nohafarana ny fanjakana fa zony kosa ny miaro ny tombontsoan’ny mpiray tanindrazana aminy. Azony atao ny mikaroka mpamatsy solika hafa hisian’ny tena fifaninanana malalaka mifanaraka amin’ny fahefa-mividin’ny Malagasy, hoy ity mpampianatra toekarena eny amin’ny ambaratonga ambony ity. Tokana ihany mantsy ny mpamatsy vokatra ireo kaompania mpaninjara solika efatra goavana eto Madagasikara, araka ny fantatra.

Ramano F.