Toekarena

Mpandraharaha Malagasy Vonona ny tanora saingy…

Toekarena
Zoma 04 Oktobra 2019

Tsy ampy mihitsy ny fampiofanana mpandraharaha raha ny eto Antananarivo, mainka moa ny any amin’ny faritany.

Fantatra hatrany fa efa manomboka maro an'isa ny tanora mpandraharaha eto Madagasikara kanefa tsy misy ny fandraisana an-tanana akaiky avy amin’ny fanjakana. Vonona anefa ny ankamaroan’ny tanora handray andraikitra hampandroso ny firenena saingy olana ny tsy fahampian’ny tolo-tanana amin’ny sehatra maro homena azy ireo. Ankoatra ny tsy fahampian’ny fampiofanana dia mitaraina ho tsy mba mahazo sehatra ireo tanora mpandraharaha indrindra ireo madinika. Izany rehetra izany dia ahatsapan'izy ireo fa sarotra ho an'ny tanora malagasy ny miditra amin'ny sehatra fandraharahana. Ny zavatra hita ihany koa aloha dia toa anjakazakan’ireo mpandraharaha vahiny tahaka ny firenena ary mihafy eny anjorom-bala ireo mpandraharaha madinika Malagasy. Na dia misy aza ny fahavononana sy ny fijoroana dia matetika tratran’ny kapa ranjo sy ny tsindry hazo lena izy ireo izay tsy mahatafarina azy ireo mihitsy.

Tsirinasolo