Toekarena

Mpandraharaha lavanila Tsy ampy matihanina

Toekarena
Sabotsy 26 Mey 2018

Tokony hampiroborobo ny toekarena malagasy ny fandraharahana lavanila eto amintsika, hoy ny tale jeneralin’ny hetra, Louri Garisse Razafindrakoto, saingy olana ny tsy fahampian’ny matihanina eo amin’io seha-pihariana io.

Antony nanatontosana ny fifanaovan-tsoniam-piaraha-miasan’ity sampana ity sy ny orinasa tsy miankina 2, Sahanala sy NR Consult tetsy amin’ny Colbert Antaninarenina io omaly mba hampidirana hatrany ireo tantsaha amin’ny sehatra matihanina fa indrindra ireo mpandraharaha lavanila. Ny Sahanala vanille sy ny DGI no tena hifandray amin’ny tetikasa raha ny fanazavana satria tantsaha mpikambana ao anatin’izany federasionina izany miisa 1700 avy amina fikambanana 16 no omena fiofanana sy ny fomba fandoavan-ketra ary ny tombony azo amin’izany. Tanjona ihany koa, raha ny nambara hatrany, ny hampazava ny tamberina azon’ireo kaominina amin’ny alalan’ny fandoavan-ketra. Efa misy fikambanana miisa 68 ahitana mpikambana 3000 manerana ireo faritra 5 dia Menabe, Analamanga, Diana, Sava, Alaotra mangoro moa ity federasionina Sahanala ity.

J. Mirija/Tsiry