Toekarena

Mpandraharaha eo amin’ny tontolon’ny mekanika Mahatsiaro voatsindrin’ny avy any ivelany

Toekarena
Sabotsy 20 Janoary 2018

Anisan’ny orinasa goavana misehatra eo anivon’ny famokarana vokatra mekanika sy fitaterana ny orinasa AREMEC, izay feno 25 taona amin’ity taona ity.

Notolorana mariboninahi-pirenena “Grand officier de l’ordre national Malagasy” tetsy amina tooeram-pilanonana iray etsy Akorondrano omaly ny filoha tale jeneraliny, Aimé Solofomandimbisoa. Notolorana ny “Chevalier de l’ordre national” kosa ny vadiny, Yvonnette Razafindrahety. Ankoatr’izay moa dia mpiara-miasa miisa 10 amin’ireo 200 no notolorana medaly rehefa nahavita be teo amin’ny orinasa nandritry ny 15 taona. Olana goavana sedrain’ny orinasa tahaka itony eto amintsika ankehitriny, hoy ity filoha tale jeneraly ity, dia mora lavitra noho ny entana avy eto an-toerana ny entana avy any ivelany ka manjary mamono ny tsena anatiny. Angatahanay amin’ny fitondram-panjakana, hoy ny fanazavany, ny hitadiavana fomba ahafahana mampifandanja ny vidin’entana.

J. Mirija