Toekarena

Partagé sur :
• facebook

"Aleo miasa mafy toa izay tsy an'asa. Koa hajao ny asanao ary indrindra hajao ireo olom-pirenena tonga misitraka ny asanao". Izay no fehin'ny fitsipika napetraka ho an’ny mpiasa,

 araka izay novelabelarin` ny sekretera jeneralin` ny Ministeran'ny Toekarena sy Fitantanam-bola, Rindra Hasimbelo Rabarinirinarison, amin` ny votoatin'ny didim-panjakana 2003-1158 tamin'ny 17 desambra 2003 mamaritra ny fitsipi-pitondran-tena tokony hananan'ny mpiasam-panjakana rehetra. Nandritra ny herinandro, mpiasan'ny MEFB miisa 1600, nizara ho 200, in-droa isan’andro, no tonga nihaino ny famerenana ity fitsipi-pitondran-tena ity izay notarihan’ ny sekretera Jeneralin'ny Ministera, niaraka tamin'ny filohan'ny solontenan'ny mpiasa sy ny talen'ny fitantanana ny mpiasa. Teboka 8 avy amin’ilay didim-panjakana no notsindriana manokana nandritra izany fihaonana izany: Maha matihanina eo am-panatanterahana ny asa; Fahavitrihana amin’ny fahatongavana miasa; Fahamendrehana sy fahamarinana; Fifanajàna sy Fifanampiana eo amin’ny sehatry ny asa; Tsy fitanilàna rehefa manatanteraka ny asa; Tsy fandraisana vola amin’ny asa atao; Hafainganana sy fahamalinana eo am-panatanterahana ny asa sahanina; Fanajàna ny tsiambaratelon’ny asam-panjakana sy ny mangarahara. Hitohy any amin'ireo toeram-piasana hafa ity fihaonana ity mandritry ny volana oktobra, ary hiparitaka isaky ny faritra amin'ny alàlan'ireo solotenan'ny mpiasa.

Marigny A.

Tia Tanindrazana

Samia mijoro ho an'i Gasikara.