Toekarena

Ministera sy sendikan’ny indostria Nifanaiky hanandratra ny vita Malagasy

Toekarena
Alarobia 21 Oktobra 2020

Nisy omaly ny fifanaovan-tsoniam-piaraha-miasa teo anivon’ny ministeran’ny indostria sy ny sendikan’ny indostria eto Madagasikara.

Izy io dia fifanekena ny amin’ny mba hanandratana ny vita Malagasy ao anatin’ny fampiroboroboana ny indostria eto Madagasikara amin’ny alalan’ny marika na “label” Malagasy ny Antsika. Hisy noho izany ny fiaraha-miasan’ny roa tonta mba hahatongavana haingana amin’ny fisandratan’ny indostria Malagasy isam-paritra sy distrika. Hanomboka eny amin’ireo magazay lehibe sy salantsalany ary toeram-pivarotana zavatra ilaina isan’andro ny fanentanana momba ity Malagasy ny Antsika ity ny 20 oktobra ka hatramin’ny 20 novambra izao, hoy hatrany ny fanazavana. Hisy koa ny lalao isan-karazany ao amin’ny pejy Facebookn’izy ity ary natao hahazoana loka isan-karazany, hoy hatrany ny voambara. Ho hita eo ny vokany.

J. Mirija