Toekarena

Minisitry ny toekarena sy ny vola Hampiana ireo banky madinika sy orinasa madinika

Toekarena
Alarobia 10 Jona 2020

Nanditra tatitra nataony tamin’ny loholona omaly no nanambaran’ny Minisitry ny toekarena sy ny vola Atoa Richard Randriamandranto, fa vanim-potoana tena manahirana ny vanim-potoana iainana amin’izao fotoana izao.

Hisy ny “recession mondiale” na fijotsoana na fihisarana ara-tokerana tsy araka ny niheverana azy atsy ho atsy, ary misy fiantraikany amin’ny hari-karena faobe amin’ity taona 2020 ity izany satria nanomboka ny volana martsa dia nihena 0.8% izany raha toa ka novinavinaina ho 5.5% tao anatin’ny LFI 2020. Nisy ihany koa ny fihenana tamin’ny vokatra lavanila, fanodinana lamba, ny harena ankibon’ny,… tany raha oharina tamin’ny taona 2019, nihena ihany koa ny fanamboaran-dàlana,… Ny lafiny fizahantany, hoy izy, dia anisan’ireo voa mafy tokoa. Na dia eo aza ireo olana rehetra ireo dia misy ihany ny “opportunité” na herijika. Nambarany fa hampiana ireo banky madinika sy ny orinasa madinika.

Toky R