Toekarena

Mari-pamantarana ny lavanila Malagasy Haorina ao Antalaha ny « World vanilla complex »

Toekarena
Alatsinainy 24 Aogositra 2020

Renivohitra manerantany ny lavanila i Antalaha, Faritra SAVA. Haorina ao ny « World vanilla complex » izay ivon-toerana iray lehibe mari-pamantarana ny

lavanila mampalaza an'i Madagasikara eo amin'ny sehatra iraisam-pirenena. Ao amin’ny tokontany malalaky ny Travaux ao Antalaha no hanorenana azy. Tonga nijery ny toerana hanorenana izany Tranobe izany ny Minisitra ny Indostria, ny Varotra sy ny Asa-tanana Rakotomalala Lantosoa sy ny Minisitra lefitra misahana ny Tanàna Vaovao sy ny Trano fonenana Zasy Angelo izay namita iraka tany an-toerana ny faran’ny herinandro teo. Nihaona tamin'ireo mpandraharaha lavanila ireto mpikambana ao amin’ny governemanta ireto. Fantatra nandritra izay fa hisokatra amin'ny 15 Septambra 2020 ho avy izao ny tsenam-barotra iraisam-pirenena mahakasika ny lavanila ary 650.000Ar no « prix de référence » ho an'ny lavanila efa vonona ahondrana. Hivoaka amin'ity erinandro ity ny lisitr'ireo mpandraharaha nahazo fankatoavana sy nahafeno fepetra mikasika ny asa fanondranana lavanila.

Jean D.