Toekarena

Madagasikara sy Inde Hanamafy fiaraha-miasa amina sehatra maro

Toekarena
Talata 30 Jolay 2019

Manantena ny hitazona sy hanamafy orina bebe kokoa ny fiaraha-miasa efa misy eo amin’i Inde sy i Madagasikara, ny Ambasadaoro vaovaon’ny Repoblikan’i Inde, miasa sy monina eto amintsika, Andriamatoa KUMAR Abhay,

araka ny nambarany, raha nihaona voalohany tamin’ny praiminisitra, lehiben’ny governemanta, Ntsay Christian, izy omaly tolakandro teny amin’ny lapam-panjakana Mahazoarivo. Noresahina nandritra ny fihaonana ny fiaraha-miasa eo amin’ny sehatry ny fampianarana, ny fambolena, ny fahasalamana, ny tontolo iainana ary ny lafiny fiarovana. Niarahaba sy nirary soa ny praiminisitra ity diplomaty Indianina ity, mba hahavita be hatrany amin’ny asa iandraiketany, amin’izao naha voatendry azy indray hitantana ny governemanta izao. Nahafapo ny dinika, hoy ny Ambasadaoro, izay nampahatsiahy koa fa nanamafy orina ny fifandraisan’i Madagasikara sy Inde ny nahatongavan’ny filoham-pirenena Indianina teto amintsika tamin’ny taon-dasa.

Toky R