Toekarena

Madagasikara Miasa tsizarizary ny 85%-n�ny mponina

Toekarena
Talata 02 Mey 2017

1% mahery ny tahan�ny tsy fananana asa eto Madagasikara, araka ny voalazan�ny antontanisan�ny BIT (Bureau International du Travail) ny taona 2015.

Manjaka anefa ireo asa tsizarizary ka anisan’ireo tany manana salan’isa ambony indrindra amin’izany ny firenena Malagasy. Miasa ao anatin’ny sehatra tsy ara-dalàna, izany hoe tsy misy antoka na fifanarahana marim-pototra ny ankamaroan’ny Malagasy. Tena fahita matetika eo anivon’ny tontolon’ny asa eto Madagasikara ankehitriny ny fampiasana olona tsy mifanaraka akory amin’ny fahaiza-manaony. Voakasik’io zava-misy io avokoa moa ny 85%-n’ny fiarahamonina Malagasy amin’ny ankapobeny. Lohalaharana amin’ny fanatontosana asa an-tselika eto amintsika hatreto ny vehivavy Malagasy (58%). Manao asa tsizarizary ihany koa anefa ny 15%-n’ny tanora 19 hatramin’ny 24 taona. Seho iray hafa manampy ireo ny fijaliana amin’ny fitadiavana asa ho an’ireo sokajin’olona 25 hatramin’ny 30 taona mahavita fianarana ambony izay mandrafitra ny 2,1%-n’ny mponina. Tranga mampalahelo kosa ny 25%-n’ny ankizy 5 hatramin’ny 17 taona miasa noho ny fahantrana lalim-paka eto Madagasikara.

Ramano F.