Toekarena

LFR 2020 Hafana ny adihevitra anio !

Toekarena
Alakamisy 02 Jolay 2020

Ny volavolan-dalàna mifehy ny fitantanam-bolam-panjakana nasiam-panitsiana (LFR) taona 2020 dia hodinihan’ny vaomieran’ ny fitantanam-bola sy teti-bola fanindroany, taorian’ny fanovana nataon’ny Antenimierandoholona, anio maraina ary hotapahan’ireo solombavambahoaka ny tapak’andro hariva.

Raha tsiahivina dia lany saingy nasiam-panitsiana teny anivon’ny Antenimierandoholona ny LFR 2020. Notakian ’ireo loholona hatramin’ny farany my hamerenana ao anatin’ny tetibolan’ny antenimierandoholona ny vola mitetina 7 miliara Ariary izay voarakitra eny anivon’ny ministeran’ny toekarena sy ny fitantanam-bola (MEF) satria 23 miliara Ariary ny tetibola natokana ho an’ ity andrimpanjakana ity saingy 16 miliara Ariary ihany no voasoratra ao anatin’ny PLFR 2020. Tsiahivina hatrany fa ny “Sénat” no azo ambara fa andrimpanjakan` ny mpanohitra satria mbola ny antoko HVM no manana ny maro an` isa ao aminy. Araka ny loharanom-baovao dia hafana ny adihevitra mahakasika an` ity LFR ity anio satria mety hiova ho politika izay ho fanapahan-kevitra tapaka mandritra ny fivoriana.
Marigny A.