Toekarena

�Lanterne� vaovao Taxi-Ville Tsy hihemotra ny kaominina Antananarivo

Toekarena
Talata 11 Aprily 2017

Tsy hihemotra amin�ny fanapahan-kevitra efa noraisiny ny kaominina Antananarivo Renivohitra mikasika ilay lanterne taxi ville vaovao misy hologramme tsy maintsy hampiasain�ny fiarakaretsaka ara-dal�na rehetra.

Fantatra izany nandritra ny fanambarana nataon’ny talen’ny fitaterana eo anivon’ny kaominina, Rakotoarivony William tamin’ny mpanao gazety omaly. Misy amin’ireo mpitondra fiarakaretsaka mantsy no mitsipaka ny filanjan’izy ireo ity karazana lanterne iray ity. Na izany aza, fantatra fa efa nisy ny fifampiresahana nifanaovan’ny roa tonta ary efa samy nanaiky ny hampiasa ny rehetra. Efa nisy ihany koa ny andrana natao ary tena mety. Tanjona hotratrarina ny hiady amin’ireo taksi hosoka. Fiarakaretsaka 52 isa amin’ireo 700 eto an-drenivohitra no efa mampiasa azy io ankehitriny, anisany ny fikambanan’ny biraon’ny taksi izay vao avy naka ny azy tao amin’ny kaominina ny zoma lasa teo. Marihina fa tsy andoavam-bola ity lanterne ity fa omen’ny kaominina maimaimpoana. Eo an-danin’izay anefa, fantatra fa maka 4.000 Ar amin’ireo mpikambana ao aminy ny fikambanana mba hampidiriny ao anatin’ny kitapom-bolany, hono.

Pati