Toekarena

Lamba landy Mampiseho ny tena maha-Malagasy

Toekarena
Zoma 03 Janoary 2020

Misy ny akanjo mariazy vita amin'ny lamba landy ary efa maro ireo tanora manorina tokantrano no liana amin’izany. "Mariazy mampanofinofy" no lohahevitra tamin'ny fampiratiana andiany

faharoa nasehon'i Mialy Ratrema sy Andrianantenaina Chistiansen na i Gaona teny amin'ny Villa Harambato Andoharanofotsy. Miavaka tokoa ny asa famoronan'izy mianadahy ireto satria lamba landy no akora fototra nampiasan'izy ireo namoahana ny akanjo mariazy. Naseho tamin'ny alalan'ny filatroana moa ireo akanjo mariazy ireo ka ny an'ny vehivavy nitondra ny marika "Mialy Ratrema" fa ny an'ny lehilahy kosa misy ny marika "Gaona". Raha ny fanazavana nentin'i Mialy Ratrema, mpanjaitra sady mpamorona lamaody dia naharitra herintaona ny faharetan'ny fanomanana sy fikarakarana ity fampiratiana andiany faharoa ity. Raha tsiahivina dia tany Parisy no nanaovana ny hetsika tamin'ny taon-dasa. Tanjona ny hampiroboroboana ny asa famoronana sy hitondrana avo ny voninahitr'i Madagasikara maneran-tany fa hoy i Gérard Ratrema, Tale misahana ny eo anivon'ny marika "Mialy création". Tahaka ny mpamorona sy ny mpanao asa tanana Malagasy rehetra dia mipetraka ho ho olana sedraina hatrany ny fitadiavana akora fototra hahatsara ny vokatra.

Tsirinasolo