Toekarena

Lakandranon’i Pangalana Hatao toeram-pizahantany maharitra sy mampidi-bola

Toekarena
Sabotsy 15 Jolay 2017

Hatao toeram-pizahantany maharitra sy mampidi-bola ny lakandranon’i Pangalana. Hisy ny fananganana fotodrafitrasa marobe manodidina azy,

toy ny hotely handraisana ireo mpizahatany vahiny, ny lalamby hifandraisana amin’ireo faritra hafa manodidina, ny lalana izay hasiam-panatsarana, ny fanajariana ny tany, ny fampitaovana … Nivoitra io omaly nandritra ny fandraisan-dRamanantsoa Benjamina, minisitry ny fitaterana sy ny famantarana ny toetr’andro ireo delegasiona Marokanina izay hamatsy vola ny ampahany amin’ny tetikasa. Tombony goavana andrasantsika ny fanovana endrika ny tanàna izay tsy mifanohitra velively amin’ny fiarovana sy ny fanatsarana ny tontolo iainana akory. Nisy omaly ny fihaonana notanterahin’ny roa tonta nentina nandinihina izany. Ankoatra ireo delegasiona Marokanina dia fantatra fa mpamatsy vola hafa marobe ihany koa no vonona hamatsy vola ity tetikasa fanatsarana sy fanavaozana ny manodidina ny lakandranon’i Pangalana ity.

Pati