Toekarena

Labiera CASTEL Nivoaka ny tavoahangy 65 Cl

Toekarena
Alatsinainy 26 Febroary 2018

Navoaka tamin’ny endrika vaovao ny zava-pisotro Castel Beer. Raha tsiahivina kely ny tantara dia tao anatin’ny 65 taona izay, dia anisan’ireo vokatra fanta-daza indrindra aty amin’ny faritr’i Afrika Miteny Frantsay ny Castel Beer.

Tamin’ny taona 2012 no nanomboka namidy teto amintsika izy ary ankehitriny dia mivoatra hatrany izany ka navoaka tamin’ny endriny vaovao. Tamin’ny fiandohany, dia tavoahangy 50 Cl ihany no nahitana ny Castel, fa manomboka izao kosa dia miampy ny tavoahangy 65 Cl izany. Ity farany izay endrika mety indrindra ho an’ny vokatra labiera natao ho fanomezana fahafaham-po ho an’ny mpanjifa azy. Tsy niova ny tsirony fa ny endriny ihany no niampy amin’izay efa nisy hatrizay. Raha tsiahivina, dia ny lehilahy 30 taona no mihoatra, ary ireo izay miandrandra fahombiaza no tena hiantefan’ny Castel. Anisan’ireo soatoavina voizin’ny Castel ny finiavana sy ny fametrahana azy. Izay indrindra no mahatonga azy hita matetika eo amin’ny sehatry ny kanto sy ny fandraharahana. Lanonana goavambe notanterahina tetsy amin’ny Is’Art galerie no nanamarihana izany ny faran’ny herinandro teo.

Pati