Toekarena

La grande braderie de Madagascar Nisy indray ireo mpandray anjara tsy afa-nihetsika

Toekarena
Alakamisy 24 Mey 2018

Nisokatra nanomboka omaly etsy amin’ny lapan’ny kolontsaina sy ny fanatanjahantena etsy Mahamasina, ilay hetsika « La grande braderie de Madagascar » natokana ho an’ny fetin’ny reny, karakarain’ny Madavision.

Tranoheva manodidina ny 280 no mandray anjara amin’izany ka misongadina sy betsaka indrindra ireo karazana kojakoja sy lamaody azo atao fanomezana ho an’ny reny rehetra, amin’ny alahady ho avy izao. Nisy tamin’ireo mpandray no tsy afaka mandray anjara amin’ity hetsika ity, noho ireo entany mihitsoka ao amin’ny seranan-tsambon’i Toamasina. Maromaro ihany izy ireo, raha araka ny fanazavana azo omaly saingy na izany aza dia vonona hatrany ny tranoheva rehetra ambiny hanome fahafaham-po ny mpanjifa. Mikasika ny vidin’entana dia mpanara-maso miisa valo no napetraky ny Madavision mijery ireo karazan’entana nifanarahana tokony hanaovana fihenam-bidy. Mihoatra ny 50.000 isa moa ireo mpanjifa andrasan’ny mpikarakara, amin’ity hetsika la grande braderie de Madagascar andiany faharoa ity.

Pati