Toekarena

LA GRANDE BRADERIE DE MADAGASCAR Hentitra ny fanaraha-maso ny vidin’entana

Toekarena
Alakamisy 31 Aogositra 2017

Hentitra ny fanaraha-maso ny vidin’entana etsy amin’ny lapan’ny kolontsaina sy ny fanatanjahantena Mahamasina.

Tanterahina nanomboka omaly eny an-toerana mantsy haharitra dimy andro ilay hetsika La Grande Braderie de Madagascar karakarain’ny Madavision. Hampiavaka ity andiany ity raha araka ny fanazavan-dRandrianasolo Hery, ny fisian’ireo karazana kojakoja rehetra ilaina amin’ny fampidirana mpianatra manomboka any amin’ny akanjo ka hatrany amin’ny kiraro. Mahatratra 250 isa ireo mpivarotra mandray anjara amin’izany raha 300 isa kosa ny trano eva. Tanjon’ny mpikarakara moa ny hanomezana kojakoja ilain’ny mpianatra amin’ny vidiny morary nefa tsara kalitao ihany koa. Tsiahivina moa fa misy mihitsy ny toerana manokana napetrany handraisana ny fitarainana avy amin’ny mpanjifa, raha araka ny fanazavana azo hatrany.

Pati