Toekarena

La grande braderie de Madagascar Hanome torohevitra sy hanampy ny tanora ny Openflex

Toekarena
Zoma 28 Septambra 2018

Hotanterahina manomboka ny 3 oktobra ho avy izao indray, haharitra dimy andro, ilay hetsika La Grande Braderie de Madagascar mialoha ny fidiran’ny mpianatra karakarain’ny Madavision.

Etsy amin’ny lapan’ny kolontsaina sy ny fanatanjahantena Mahamasina no hanatontosana izany ka anisan’ny tanjona kendrena ny hanampiana ny ray aman-dreny amin’ny fividianana ireo fitaovam-pianarana rehetra ilain’ny mpianatra, manomboka amin’ny kitapo ka hatramin’ny fitafiana sy ny kiraro. Hampiavaka ny hetsika ny fisian’ireo mpanohana ofisialy marobe, hoy Ramanantsoa Harilala. Anisan’ireny ny Openflex izay hanampy manokana ireo tanora liana amin’ny resaka indostria hahafahana mampiroborobo ny seha-pihariana eto Madagasikara. Tsy latsa-danja amin’ireny ny Master Immo izay hanosika sahady ny rehetra amin’ny fibanjinana ny ho avy amin’ny alalan’ny fividianana tany... Hisy ny toerana hahafahana mampiala voly ny ankizy madinika hiarahana amin’i Jasmine sy Jasmin. Ny Dokotera Said kosa no ho avy hanafana ny sehatra ny alahady 07 oktobra. Manodidina ny 40.000 isa moa ireo mpitsidika handrasana ho avy mandritra ny hetsika raha manomboka amin’ny 15 % kosa ny fihenam-bidy. Nomarihin-dRamanantsoa Harilala fa tsy adino ny vehivavy sy ny renim-pianakaviana satria dia ho avy marobe ihany koa ireo mpivarotra lamaody sy kojakoja maro samihafa ilaina amin’ny fiainana andavanandro.

Pati