Toekarena

Ketrika.com Manakaiky kokoa hatrany ny mpanjifa

Toekarena
Zoma 14 Jona 2019

Mandray anjara eny amin’ny ITM 2019 andiany faha-8 eny amin’ny CCI Ivato ny www.ketrika.com.

Tanjona ny ahafahana mampahafantatra ireo entana vaovao sy hanakaiky kokoa amin’ny mpanjifa. Noho ny fahamoran’ny entana dia nahasarika ireo mpitsidika maro tokoa ny ketrika.com. Maro ny liana, indrindra rehefa nahita fa sady marika tena izy ny entana amidy. Ankoatra ny kojakojana fiara, ny fanatsarana endrika sy ny lamaody maro dia misy ny tolotra tena Vita Malagasy, indrindra amin’izao akatoky ny fetin’ny ray izao. Anisan’ireo mpandray anjara vaovao eo amin’ny tranohevan’ny Vondron’ireo Vehivavy Mpandraharaha eto Madagasikara (GFEM) ny Ketrika.com.

Nanintona ny maro ny tranohevan’ny www.ketrika.com teny Ivato

Tsirinasolo