Toekarena

Kaoperativam-pambolena Sahirana mitady lalam-barotra

Toekarena
Alarobia 07 Febroary 2018

Nisy ny atrikasa manokana ho an’ny sehatra miara-miasa amin’ny kaoperativa notontosaina nanomboka omaly ary hifarana anio etsy amin’ny Colbert Antaninarenina.

Ny kaoperativa misehatra eo amin’ny tontolon’ny fambolena moa no tena hikaroham-bahaolana mandritr’ity atrikasa ity satria, araka ny fanazavana, dia mpandraharaha toy ny mpandraharaha rehetra ny kaoperativa ary tena mbola mahatsiaro tena ho sahirana eo amin’ny fahitana loharanom-bola sy lalam-barotra. Ho fanamafisana ny fahaiza-manaon’izy ireo ihany koa ny atrikasa toy itony. Sehatra iraisam-pirenena miisa 6 moa, raha ny hita omaly no isan’ireo izay sehatra miara-miasa amin’ny kaoperativa izay.

J. Mirija