Toekarena

Kaompaniam-piantohana Hahazaka ireo fatiantoka marobe ve ?

Toekarena
Zoma 03 Aprily 2020

Ny sehatra fiantohana dia afaka itarafana ny fandrosoan’ny toekarenan’ny firenena iray.

Misy karazany maro izany ary misy ny fitsinjovana ny vody andro merika sy ny mety ho loza tsy ahafaha-mihetsika tahaka ny tranga misy manerantany amin’izao fotoana izao. Mihena hatrany amin’ny 50% ny vola mihodina (chiffres d’affaires) amin’ny ankamaroan’ny seha-pihariana rehetra ankehitriny. Raha ny amin’ireny hotely fandraisam-bahiny goavana ireny dia 100% ny fatiantoka ary tena mitotongana ny vola mihodina. Mampanotany tena hoe manao ahoana ny fahafahan’ny kaomaniam-piantohana hamerina ny fatiantoka amin’ireny, araka izay endri-pifanarahana natao, indrindra ho an’ireo mpanara-dalàna izay mandoa tsy tapaka ny latsakembony? Mety ho voavaha ihany ny olana any amin’ny firenena manankarena izay afaka hidiran’ny fanjakana an-tanana saingy atahorana hatrany izany rah any eto Madagasikara. Hatreto mantsy dia mbola maro aza ireo tsy nahazo ny volany tamin’ny kaompaniam-piantohana tamin’ireny krizy tamin’ny 2009 ireny.

Tsirinasolo