Toekarena

Kaominina Talatamaty Mazoto mandoa hetra ny mponina

Toekarena
Talata 16 Mey 2017

Mahavelom-bolo ny fampidiran-ketra eo anivon�ny kaominina Talatamaty, distrikan�Ambohidratrimo amin�izao fotoana izao.

Efa tafakatra 50 % hatramin’ny fiandohan’ny taona, hoy ny Ben’ny tanàna Rado Razafindratsimba ary mety hahatratra 80 na 85 % amin’ny faran’ny taona. Noho ny ezaky ny mponina no nahazoany vokatra na dia nakarina 2 points aza ny hetra nalaina tamin’izy ireo. Nisy ihany ny nimenomenona fa rehefa nohazavaina tamin’ny mponina ny hamaroan’ireo filàna sy fotodrafitrasa mila atsangana eo anivon’ny kaominina dia nanaiky ihany izy ireo. Nomarihin’ny Ben’ny tanàna fa ireo orinasa lehibe sy ireo mpampanofa toerana toy ny trano fandraisam-bahiny no tena niantefan’izany. Tsiahivina moa fa 70 ka hatramin’ny 75 % ny tahan’ny fandoavan-ketra teo anivon’ny kaominina tamin’ny taon-dasa.

Pati