Toekarena

Kaominina Ampitatafika Hisy fananganana orinasa maromaro ato ho ato

Toekarena
Zoma 18 Janoary 2019

Nanana olana hatrany ny kaominina Ampitatafika hatramin’izay noho ny fitohanana mampalaza ity faritra ity ka tsy mahasarika ireo mpandraharaha hampiasa ny volany eny an-toerana.

Mety ho lany eny am-pandehanana avokoa mantsy ny fotoana rehetra ka tsy vitsy ireo nihemotra na dia mankafy ny tanànan’Ampitatafika aza. Hivaha tsy ho ela anefa izany, hoy ny Ben’ny tanàna Rado Ramparaoelina ka mety ho fitaratra any amin’iny faritra atsimo andrefana iny mihitsy ny kaominina tantanany. Mety hisy ato ho ato ny fananganana orinasa maromaro eny an-toerana aorian’ny fahavitan’ny asa fanamboarana sy fanitarana ny lalana mihazo ny lalam-pirenena. Anisan’izany ny orinasa misehatra eo amin’ny resaka lamba izay nomarihiny manokana fa hiteraka asa marobe ho an’ny mponina tokoa. Nankasitraka feno izao ezaka nataon’ny Ben’ny tanànan’Ampitatafika amin’ny fitadiavana mpiara-miombon’antoka hanamboatra ny lalana eny an-toerana izao moa ny filohan’ny Antenimieram-pirenena Jean Max Rakotomamonjy izay marihina fa mponina eny an-toerana ihany koa.

Pati