Toekarena

Jono an-dranomasina Fitaovana voarara maro sarona tany Nosy-Be

Toekarena
Alarobia 08 Jolay 2020

Fitaovana maromaro ahitana tavoahangy misy ôksizena sy fitaovam-panjonoana ary kojakoja fitondra misitrika anaty rano lalina no saron’ny mpanaramaso ny jono tany amin’ny fari-dranomasin’i Nosy-Be, Faritra DIANA.

Lakana anankiroa no nahitana ireto fitaovana ireto ny alatsinainy 6 jolay teo. Voarara ny mampiasa karazana fitaovana toy ireo amin’ny haza sy jono an-dranomasina raha tsy mahazo alalana manokana ankoatra ny fialamboly. Araka ny fantatra dia maro tato ho ato ireo mangataka ny karatra ny mpanjono sy fahazoan-dalana manangona vokatra an-dranomasina any Nosy Be.

Nangonin’i Jean D.