Toekarena

Indostria Malagasy Misedra olana amin’ny fidiran’ireo vokatra vahiny

Toekarena
Alarobia 21 Novambra 2018

Na dia miezaka manandratra ny vokatra tena Malagasy aza ireo indostria misy eto amintsika dia misedra olana goavana ihany izy ireny.

Noho ny fitobahan’ireo vokatra vahiny avy any ivelany no mahatonga izany, izay mamono mahafaty ny tsenan’izy ireo mihitsy indraindray. Anisan’ny misedra olana ny kaompania Vidzar ahitana ny orinasa mpamokatra zava-pisotro Dzama. Ho azy ireo manokana mantsy dia efa voasivana avokoa ary azo antoka fa tsy hankarary ny mpanjifa ny vokatra vokariny, mazava amin’ny alalan’ireo soratra mipetaka amin’ny tavoahangy hamidiny. Mifanohitra amin’izay kosa anefa ireo karazam-bokatra avy any ivelany izay tsy fantatra intsony ny soratra amin’ireo karazana tavoahangy misy ny zava-pisotro hamidiny nefa dia miparitaka sy mahazo vahana eto amintsika, hoy Rtoa Olivia Randrianarisoa, tompon’andraikitry ny serasera ao aminy. Miantso ny fandraisan’andraikitry ny Fitondram-panjakana manoloana ireo vokatra vahiny mitobaka eto amintsika, araka izany, izy ireo hahafahany mivelatra sy miaina ara-dalàna. Tsiahivina fa mandray anjara feno amin’ilay vitrine de l’industrie tanterahina etsy amin’ny parvis hotel Analakely izy ireo nanomboka omaly.

Pati