Toekarena

Hetsika ‘Lay tsena B Hametraka ny kalitao Malagasy amin’ny toerany

Toekarena
Sabotsy 18 Novambra 2017

Ny 8 ka hatramin’ny 10 desambra izao no hotontosaina etsy amin’ny tanàna Voara Andohatapenaka ny hetsika ‘Lay tsena B. Varotra fampirantiana handraisana tranoheva miisa 300 anjara izy ity.

Tanjona ao anatin’ny hetsika ny hametraka ny antsoina hoe Label kalitao Madagascar. Araka izany, hametraka ny kalitaon’ny vita Malagasy amin’ny toerany no tanjona eo amin’ny lafiny rehetra toy ny fiara sy moto, ny filatroana ary ny asa tanana. Fotoana iray hihaonana amin’ireo mpamorona fanta-daza amin’izay resaka lamaody izay indrindra io sady fanandratana ny kolontsaina Malagasy. Hisy ny fifaninanana poezia iarahana amin’ny Faribolana sandratra sy ny fifaninanana Slam miaraka amin’ny Madagaslam.

J. Mirija