Toekarena

Harikaren’i Madagasikara Hiharatsy tanteraka ny taona 2020

Toekarena
Alakamisy 16 Aprily 2020

Nahatratra 5,2% ny tahan’ny fitombon’ny harinkarena ny taona 2018 araka ny tatitra navoakan’ny Banky Foiben’i Madagasikara (BFM) izay azo lazaina ho ambony raha oharina ny taona 2017.

Raha jerena ihany koa ny tatitry ara-tarehimarika navoakan’ny World Economic Outlook (WEO) eo anivon’ny Tahirim-bola Iraisam-pirenena tamin’ny aprily 2019 dia nihoatra 1,6 % tamin’ny fitomboana maneran-tany ary niakatra 2,2% amin’ny salanisan’i Afrika. Nohon’ny fisian’ny valan’aretina Coronavirus dia ho voa mafy ny asa fihariana sy ny toekarena ary ny fitantanam-bolam-panjakana. Vinavinaina hitotongana hatrany amin’ny 1,5% ny tahan’ny fitomboan’ny harinkarena raha notombanana hahatratra 5,5% izany amin’ity taona 2020 ity .Ankoatr’izay dia ho vinavinaina hisy fiakarana ho 7,2% ny fisondrotam-bidim-piainana raha noheverina 6,6% ho amin’ity taona ity

Tsirinasolo