Toekarena

Harena an-kibon'ny tany Nampiato ny fitrandrahany i Ambatovy

Toekarena
Talata 14 Aprily 2020

Naato tanteraka ny fitrandrahana ao amin’ny orinasa mpitrandraka Nikela sy Kobalta Ambatovy.

Araka ny fampitam-baovaon’ny tompon'andraikitra dia voakasik’izany avokoa na ny toeram-pitrandrahana ao Moramanga na ny toeram-panodinana ireo vokatra ao Toamasina. Antony, mazava ho azy, dia ho fitandroana ny fahasalaman’ireo mpiasa rehetra tsy an-kanavaka ny amin’ny mety ho loza aterak’ity areti-mandripaka Coronavirus ity. Mihiboka toy ny olon-drehetra, araka izany ny mpiasan’Ambatovy ary efa tsaboina ao amin’ny klinika ao an-toerana kosa ireo mararin’ity aretina ity miisa 3, hoy hatrany ny fampitam-baovao. Tsara marihana fa manodidina ny 23 miliara Ariary isan-taona no vola miditra ao anatin’ny kitapom-bolam-panjakana avy amin’ny orinasa Ambatovy.

J. Mirija sy Marigny A