Toekarena

Harem-pirenena very hatramin�ny 1960 Efa nahazoana helikoptera 100

Toekarena
Talata 07 Martsa 2017

500 hatramin�ny 750 tapitrisa dolara isan-taona ny harena an-dranomasina very eto Madagasikara, hoy ny filohan�ny Repoblika Rajaonarimampianina Hery.

Antony goavana mahatonga izany ny tsy fahampian’ny tafika an-dranomasina sy ny fitaovana ampiasaina hiarovana ny sisin-dranomasin’ny firenena Malagasy. Ilaina hampitomboina ny isan’ny miaramila miaraka amin’ny fanamafisana ny lafiny fiambenana izay tena marefo tanteraka. Harem-pirenena isan-karazany toy ny omby, ny volamena, ny andramena na koa ny harena an-dranomasina tsy hita pesipesenina no efa very hatramin’ny niverenan’ny fahaleovantenan’i Madagasikara ny taona 1960, hoy ny avy eo anivon’ny inspektera jeneralin’ny zandarimariam-pirenena. Efa azo nividianana helikoptera tsy latsaky ny 100 rahateo ny fitambaramben’ny fivoahan’ireo harem-pirenena an-tsokosoko ireo. Mampalahelo moa fa na angidimby iray aza tsy ananan’ny zandary Malagasy. Toraka izany ihany koa ny havitsian’ny sambo haingam-pandeha ampiasain’ny tafika an-dranomasina, hoy hatrany ny fanehoan-kevitra avy amin’ny zandarimariam-pirenena. Vitantsika ny miaro ny harem-pirenen’i Madagasikara fa ilay fahavononana, indrindra ny finiavana politikan’ny mpitondra no lesoka, araka ny fanamarihan’ity farany.

Nangonin-dRamano F.