Toekarena

�Grille indiciaire� Niesona herintaona ny mpiasam-panjakana

Toekarena
Talata 06 Jona 2017

Nofohazin�ny CTM-SSM Randrambaon�ny sendika ny fampanantenan�ny fitondrana Rajaonarimampianina momba ny �grille indiciaire� rehefa nangina tanteraka tao anatin�izay 12 volana mahery izay.

Fanamby napetraky ny fanjakana Malagasy tokoa mantsy tao anatin’izao Repoblika faha-IV izao ny fanitsiana ny mari-karaman’ny mpiasam-bahoaka eto Madagasikara. Fitakian’ny fonksionera efa tokony ho nihatra tamin’ny enim-bolana faharoan’ny taona 2016, araka ny nambaran’ny minisitry ny asam-panjakana Maharante Jean de Dieu tamin’ny taon-dasa ihany. Najoro rahateo ny CNT (Conseil National du Travail) herintaona lasa izay handrafitra ny lalàna vaovao ho fanatsarana ny tontolon’ny mpiasam-panjakana mba hifanaraka amin’ny zava-misy iainana andavanandro eto Madagasikara. Valala tsy an-tanana anefa tsy atolo-jaza, hoy indray ity mpikambana ao amin’ny governemanta Mahafaly Solonandrasana Olivier ity tamin’ny faran’ny herinandro teo. Tsy manana 300 miliara ariary mantsy ny fanjakana hamaliana ny fangatahan’ny mpiasam-bahoaka toy ny tsy fisian’ilay 40 tapitrisa dolara ihany koa hividianana helikoptera hampandriana fahalemana ireo faritra 22.

Ramano F.