Toekarena

Gender Links Mampiroborobo ny miralenta eny ambanivohitra

Toekarena
Alarobia 30 Mey 2018

Mbola vao 21 % monja ireo vehivavy tompon’andraikitra eto amin’ny firenena ankehitriny raha 50 % no tanjona napetrak’ireo mpiara-miombon’antoka any ivelany hahafahana mampiroborobo ny miralenta eto amintsika.

Miezaka ho amin’izany hatrany ny Gender Links, tarihin-dRtoa Alphine Papisy ka jereny manokana ny eny anivon’ny tontolo ambanivohitra. Mpizaika avy amina kaominina 67 isa manerana ny Nosy no tonga nanatrika ilay fihaonambe andiany fahenina karakarainy eto an-drenivohitra, omaly. Misy mpizaika hatrany amin’ny 121 isa ao ka ny 89 isa amin’ireo lehilahy ary vehivavy kosa ny 32 ambiny. Tanjona ny hahafahan’ireo mpizaika mampahafantatra ny asa tsara vitany momba ny miralenta sy ny fampandrosoana, notanterahiny tany amin’ny kaominina nisy azy avy ka amin’ny alalan’ny fifaninanana no hanehoany azy. Mizara efatra mazava ny hetsika ka misy ny sokajy manokana natokana ho an’ny kaominina. Misy ihany koa ny natokana ho an’ny mpitantana mavitrika, ny vehivavy mpandraharaha ary ny tetikasa fampandrosoana momba ny tontolon’ny fahasalamana, ny fampianarana, ny fiovan’ny toetr’andro ary ny fitantanana. Anio hariva no hanolorana ny mari-pankasitrahana ho an’ireo izay mendrika indrindra.

Pati