Toekarena

FTHM Consulting Fahombiazana no azony tamin’ny fampiroboroboana ny orinasa

Toekarena
Talata 12 Desambra 2017

Tontosa soa aman-tsara omaly teny amin’ny Ibis Ankorondrano ny fanolorana ilay certification ISO 9001-2015 ho an’ny FTHM Consulting, orinasa iray mpanolotsaina amin’ny fitantanana ny orinasa eto an-toerana sy any ivelany.

Mba ho fanomezana fahafaham-po ny mpanjifa no anisan’ny antom-pijoroan’ity orinasa iray ity ankoatra ny fampiroboroboana ny orinasa. Ny antsasaky ny orinasa Malagasy no efa mametraka ny fitokisany amin’ny FTHM ankehitriny raha ao Afrika Atsimo kosa ny antsasany, hoy Rajaona Thierry, anisan’ireo mpitantana eo anivon’ny FTHM. Antony nanomezana izao certification izao ny hanomezana antoka ny mpanjifa fa manaraka ny kalitao ny asa tanterahin’izy ireo. Tamin’ny taona 1994 no niorina voalohany teto amintsika ny FTHM consulting. Certification miisa 5 hatreto no efa azony, ho valin’ny asa vitany tamin’ny fampiroboroboana ny orinasa Malagasy sy ireo orinasa any ivelany. Narahina fizarana mari-boninahitra ho an’ireo tompon’andraikitra isan-tsokajiny ny hetsika.

Pati