Toekarena

Partagé sur :
• facebook

Fahombiazana tamin’ny ankapobeny no azon’ny In’idea Agency sy ny Gazet’Immo nandritra ilay “Foire de l’immobilier” andiany voalohany notanterahiny tetsy amin’ny lapan’ny tanànan’Analakely ny faran’ny herinandro teo.

Nahasarika olona maro ny hetsika. Ankoatra ny fakana hevitra tamin’ireo matihanina mikasika ny asa fanamboaran-trano sy ny zaridaina  dia anisan’ny nanao tohivakana ihany koa ireo mpividy tany. Ho an’ny Master Immobilier manokana izay nandray anjara tamin’izany dia anisan’ny nampiavaka azy ny fisian’ilay fihenam-bidy 35%  taorian’ny nahatraran’izy ireo ny faha-1.000-n’ny isan’ny tany lafony. Tao anatin’ny fito volana raha ela indrindra raha araka ny fanazavan’Andrianarivelo Joane, tale ara-barotra eo anivon’ny orinasa dia efa nahazo titra avokoa ny tany rehetra namidin’izy ireo hatramin’izay izay mbola mitohy any amin’ny lalam-pirenena voalohany sy faharoa ankehitriny. Nambarany moa fa mbola mijanona amin’ny fivarotana tany ihany izy ireo hatreto raha ho avy tsy ho ela kosa ny fananganana trano efa vonona miaraka amin’ny tany. Anisan’ny nampiavaka ny « Foire de l’immobilier » ny  fisian’ireo matihanina izay afaka nandray ireo olona manana olana mikasika ny ady tany. Ireo mpandova miady lova ankoatra ireo mpiray vodirindrina miady tany no betsaka indrindra tamin’izany, raha araka ny fanazavan-dRasoanarivo Suzue, anisan’ireo tompon’andraikitra nikarakara. Fanirian’ny mpitsidika ny mbola hitohizan’ny hetsika.

Pati

Tia Tanindrazana

Samia mijoro ho an'i Gasikara.