Toekarena

Foaran’ny fambolena - Bongolava Tohanan’ny BNI Madagascar

Toekarena
Sabotsy 08 Jolay 2017

Nosokafana tamim-pomba ofisialy ao an-drenivohitr’i Tsiroanomandidy omaly, haharitra roa andro ilay foaran’ny fambolena tanterahina any amin’ny Faritra Bongolava.

Tonga nanokatra ny lanonana tany an-toerana ny praiminisitra lehiben’ny governemanta Solonandrasana Olivier izay nanantitrantitra ny maha zava-dehibe ny hetsika tahaka izao hahafahana mampandroso ny firenena. Ny Banky BNI Madagascar no mpanohana ny hetsika sady mandray anjara mavitrika ihany koa. Ho azy ireo mantsy dia anisan’ny lalana iray hahafahana manatsara ny toekarem-pirenena sy ny sosialy ary ny kolontsaina ny fijerena ny tontolo ambanivohitra manana loharanon-karena tahaka izao. Tsiahivina fa tamin’ny volana septambra taona 2016 no efa niorina tao Tsiroanomandidy ny banky BNI. Na izany aza fotoana mbola tokony hampahafantarany ireo karazana tolotra misy ao aminy izao entina hanampiana ireo tantsaha mpamokatra sy ny olon-tsotra. Toraka izany koa ireo mpiasam-panjakana izay manana tolotra manokana ao amin’izy ireo. Miisa 59 ireo masoivohon’ny BNI eto amintsika ankehitriny.

Pati