Toekarena

Foara Boeny mihonjo Fahombiazana tanteraka

Toekarena
Sabotsy 26 Aogositra 2017

Hifarana amim-pomba ofisialy anio sabotsy 26 aogositra ao Mahajanga rehefa naharitra hateloana ilay hetsika foara ara-toekarena Boeny Mihonjo andiany fahefatra, tohanan’ny Banky BNI Madagascar.

Antony nanosika ity banky iray ity hanohana ny hetsika ny fandraisany anjara mavitrika amin’ny fampandrosoana ny lafiny ara-toekaren’ny firenena miainga any amin’ny faritra, mipaka eto an-drenivohitra. Tanjon’izy ireo ny hanampy sy hanohana ireo orinasa sy ireo mpandraharaha hahafahany mampiroborobo ny seha-pahariany. Ho an’ny faritra Boeny manokana dia ireo mpandraharaha misehatra amin’ny fihariana trondro no tena betsaka indrindra. Ny hamaly ny filan’izy ireo no antony nanosika ity banky iray ity hanohana ny foara. Tsiahivina fa fahombiazana tanteraka ity hetsika ity. Olona an’aliny no tonga nanatrika. Nampiavaka azy ireo rahateo ny fahafahan’ireo mpandraharaha tany amin’ny faritra nifanakalo hevitra tamin’ireo firenena mpikambana ao amin’ny COMESA.

Pati