Toekarena

Foara ara-toekarena Voatra Andro farany anio

Toekarena
Zoma 28 Septambra 2018

Hifarana anio alakamisy 28 septambra eny amin’ny tanàna Voara Andohatapenaka rehefa naharitra telo andro ilay hetsika “Foara Voatra” andiany fahadimy karakarain’ny Antenimieran’ny varotra Antananarivo, ahitana tranoheva marobe.

Mifanindran-dalana ao ny foara ara-toekarena aty amin’ny ranomasimbe Indiana faha-11 izay natao hanamorana ny seha-piharian’ireo mpandraharaha, tohanan’ny vondrona Axian sy ny vondrona Ciel avy any Maurice. Nambaran’Atoa Ndriana Ralaimanisa talen’ny serasera eo anivon’ny banky BNI izay mpanohana ny hetsika fa anisan’ny antony nanosika azy ireo handray anjara amin’ity foara ity ny fahafahana manampy sy mitady lalana ho an’ireo mpandraharaha Malagasy hahafahana mampivoatra ny toekarem-pirenena. Tafiditra ao ny fampindram-bola azy ireo izay misy fihenam-bidy hatrany amin’ny 25 %. Maro karazana ireo tolotra azon’izy ireo omena mandritra izany, mety ho an’ny sarangan’olona rehetra maniry ny hanangana orinasa madinika sy salantsalany. Tsiahivina moa fa marobe ireo mpandraharaha Malagasy mandray anjara amin’ity Foara Voatra ity ka anisan’ny tanjona iombonan’ny rehetra ny mba hahafahana mahita mpiara-miombon’antoka sy lalam-barotra any ivelany entina hanatsarana ny fidiram-bolan’izy ireo.

Pati