Toekarena

Fizahantany Tsy ara-dalàna ny 50%-n'ireo mpandraharaha ao Tolagnaro

Toekarena
Talata 05 Septambra 2017

Atrikasa tsotra kanefa nahafantarana zavatra maro no natao ny zoma 1 septambra teo tao Tolagnaro, nanasana ireo mpandraharaha ara-pizahantany sy izay misehatra amin’io asa io.

Tompomarika ny sampandraharam-paritra sy ny ofisim-paritry ny fizahantany Anosy. Nivoitra tamin’ny atrikasa fa vitsy ireo mpandraharaha ara-pizahantany mandoa “vignette touristique”, maro ihany koa ireo tsy manoratra na tsy manao fanambarana any amin'ny sampandraharaha misahana ity sehatra iray ity. Nambaran’ny talem-paritry ny fizahantany, Rtoa Salohy Dewa ihany koa fa ny 50%-n'ireo mpandraharaha ihany no ara-dalana any Anosy, ka nanentanany sy nampahatsiahivana ireo dingana tsy maintsy harahina raha te handraharaha eo amin'ny sehatry ny fizahantany. Nandray anjara tamin’ity atrikasa ity ireo mpitari-dalana, mpitandro ny filaminana, ny solontenam-panjakana ao an-toerana.

OTH