Toekarena

Fizahan-tany 2020 - 2021 Nanova drafitra ny Federasionin’ny mpiseradia

Toekarena
Zoma 14 Aogositra 2020

Mba tsy hisian’ny sampona vokatry ny fandalovan’ity hahamehana ara-pahasalamana eto Madagasikara ity nanova tanteraka ny drafitra ho amin’ity taom-piasana 2020-2021 ity ry zareo eo anivon’ny federasionina nasionalin’ny mpiseradia (FNG).

Ny resaka fiarovana sy famerenana amin’ny laoniny ary ny fampaharetana ity resaka fanoroana lalana ireo mpizaha tany ity, raha ny fanazavana, no tsy maintsy imasoan’ny FNG manomboka izao. Miantso ireo mpisehatra eo anivon’ny fizahantany, noho izany, izy ireo mba hifanohana aminy. Mila apetraka ny paikady hiveloman’ireo matihanina amin’ny fiserana dia, omanina ny aorian’izao krizy izao ary tokony hapetraka sahady ny fandaharan’asa hampaharetana ity sehatra mamelona fianakaviana Malagasy maro ity, hoy hatrany ny federasionin’ireo mpiseradia na ilay fantatry ny maro amin’ny hoe “guide touristique”.

J. Mirija