Toekarena

Partagé sur :
• facebook

Nosokafana tamin’ny 16 aprily lasa teo ny fivoriana “Reunion de printemps” izay ataon’ny Tahirim-bola iraisam-pirenena (FMI) sy ny Banky Iraisam-pirenena any Washington - Etazonia. Ity fivoriana ity moa dia manome sehatra ireo tompon’andraikim-panjakana misehatra amin’ny lafiny vola,

 ireo sehatra tsy miankina, ireo manam-pahaizana manokana amin’ny toekarena. Araka izany, misy ny lohahevitra mifandraika amin’ny toekarena sy  fampandrosoana ary ny rafitra ara-bola maneran-tany. Misolotena ny firenena Malagasy any an-toerana ny minisitry ny toekarena sy teti-pivoarana, Herilanto Raveloharison, sy ny governoran’ny banky foibe, Hervé Rasolofondraibe, izay hanazava ny antontan-taratasin’i Madagasikara. Iaraha-mahalala koa moa fa andrasana ny fanomezana ny famatsiam-bola FEC (Facilité Elargie de Crédit) fahatelo avy amin’ny Tahirim-bola Iraisam-pirenena. Fantatra fa io famatsiam-bola mitsitaitaika io sisa no fanantenan’ny fanjakana ary efa fantatra ny tsy fahatokisan’ny mpamatsy vola ity fitondrana ity ka tsy hanomezany famatsiam-bola goavana aloha. Miharihary mantsy ny tsy fahaiza-mitantana sy ny kolikoly avo lenta hitam-poko sy hitam-pirenena indrindra tamin’ireny resaka malety ireny. Andrasana arak’izany aloha ny tatitra ataon’ireo iraka lasa any rehefa miverina eto Madagasikara izay mahakely finoana ihany indrindra ny amin’ny resaka fiverenan’ny fahatokisan’ireo mpamatsy vola. Marihana fa hifarana ny 22 Aprily ho avy izao izany fivorinambe izany koa antenaina hitondra vahaolana maharitra ho an`ny firenena izay tena latsaka an-katerena ankehitriny.

Tsiry

Tia Tanindrazana

Samia mijoro ho an'i Gasikara.