Toekarena

Partagé sur :
• facebook

Anatin’ny fankalazana ny faha 45 taonan’ny orinasam-panjakana OMNIS izay misahana ny resaka fitrandrahana akoran’afo sy miandraikitra ny fitrandrahana ireo loharanon-karena stratejika toy ny

 Oranioma sy Elmenita dia hisy ny fanatanterahana varavarana misokatra momba izany amin’ny alalan’ny tranonkalam-pifandraisana satria na teo aza ny fikasana hanao hetsika maro dia tsy tontosa izany noho ny ahamehana ara-pahasalamana, hoy ny fanazavana tetsy amin’ny foiben’izy ireo tetsy Ambohijatovo omaly. Ity tranonkala izay ho ampahafantarina miandalana ity kosa dia hampahafantarana ny mombamomba izany OMNIS izany, ny asa aman’andraikiny eto amin’ny firenena sy ny efa vitany tao anatin’izay 45 taona izay, azon’ny sehatra maneran-tany tsidihana ity vovonan-tranonkala ity. Mbola maro no tsy mahalala izany OMNIS izany ka antony lehibe hanatanterahana ny varavarana misokatra ny 8 ka hatramin’ny 10 jolay izao. Na eo aza ny hahamehana dia ho tontosaina io 8 jolay io ihany ny fanokafana ny hetsika ao amin’ny Hotel de ville Antananarivo. Resahana manokana ao ny Oranioma, hoy ny tale jeneraly vonjimaika, Nantenaina Rasolonirina, satria isan’ireo singa efa nanaovana fikarohana hatrany amin’ny fanjanahantany. Raha ny resaka fitrandrahana solika indray dia mbola ao anatin’ilay antsoina hoe “sous exploité” I Madagasikara, izany hoe mbola tsy ampy izay fitrandrahana izay. Mbola mihisatrisatra ary antony iray hanaovana ilay hetsika mba hanairana ny fitondrana sy tomponandraikitra hoe manana fahafahana na “opportunité” maro isika ankehitriny. Na eo aza tsinona ny krizy dia mbola manohy fitrandrahana ny firenena maro. Ny tena olana izao dia miandry izay politika mazava momba ny fanohizana fitrandrahana solika isika, hoy hatrany ity DGPI an’ny OMNIS ity.

J. Mirija

Tia Tanindrazana

Samia mijoro ho an'i Gasikara.