Toekarena

Partagé sur :
• facebook

Maro ny fahazoan-dalana homena hatramin’ny Jona 2020 araka ny fanambarana nataon’ ny minisitry ny harena an-kibon’ny tany sy ny loharanon-karena stratejika,

Fidiniavo Ravokatra saingy na hisy aza izany ka mbola tsy matipaika ny politika atao amin’ireo sehatra tsy ara-dalàna, ny fanondranana ny échantillons, ny fanaraha-maso ireo vahiny sy ny sisa  dia tsy misy vokatra ara-toekarena azo antenaina mihitsy izany. Fahazoan-dalana mitrandraka harena an-kibon’ny tany Mahatratra 1050 ny fangatahana homena mialoha ny Jona 2020. Efa 5000 mahery amin’izao fotoana izao ny fangatahana fahazoan-dalana mitrandraka eny anivon’ny Biraon’ny Kadasitry ny Harena an-kibon’ny tany eto Madagasikara (BCMM). Efa nanomboka ny taona 2012 no nolazaina fa tsy nisy fahazoan-dalana nivoaka intsony. Nandritra ny fampitahana ny vola nambaran’ny Orinasa mpitrandraka ny harena ankibon’ny tany sy ny vola voarain’ny fanjakana Malagasy taona 2017 sy  2018 (rapport EITI) farany teo nefa dia hita fa nisy izany ary maro ny fahazoan-dalana nivoaka. Efa nisy ihany ve izany ny fanokafana amin’izay ny fahazoan-dalana ary nanao ahoana ny sivana nijerevana ireo tena matihanina? Mbola 2000 mahery eo ho eo amin’izao fotoana izao fahazoan-dalana mitrandraka manankery ka izany no antony hanampiana 1050 izany mialohan’ny Jona 2020 raha ny fanambarana teo anivon’ny Ministera tamin’izany. Tsy mifandraika ary tsy mifanaraka amin’izany anefa ny tamin’ny fampahafantarana ny tatitra EITI taona 2017 sy taona 2018.

Tsirinasolo

Source:Rapport EITI 2017/2018

Tia Tanindrazana

Samia mijoro ho an'i Gasikara.