Toekarena

Fitaterana an’habakabaka Vita ny 90%-n’ny asa eny Ivato

Toekarena
Alatsinainy 24 Febroary 2020

Nijery ny fandrosoan'ny asa fanamboarana ny seranam-piaramanidina vaovao eny Ivato ny minisitry ny fitaterana sy ny fizahantany ary ny famantarana ny toetrandro

Randriamandranto Joël sy ny solontenan'ny Banky Iraisam-pirenena ny sabotsy lasa teo. Navoitra taorian’izany, fa efa maherin’ny 90% ny asa fananganana no vita ary efa hotokanana atsy ho atsy ity fotodrafitrasa lehibe, natomboka tamin’ny taona 2015 nitondran’ny filoha teo aloha Hery Rajaonarimampianina. Mivelatra amin’ny velarantany 17 000 m² ny seranana vaovao, ary afaka handray mpandeha hatrany amin’ny 1,5 tapitrisa isan-taona. Anisan'ny tetikasa lehibe hotanterahina hatramin'ny 2023 kosa ny fanitarana ireo seranam-piaramanidina 10 lehibe eto Madagasikara.

Toky R