Toekarena

Fitantanana ny hetra Hisy fenitra vaovao

Toekarena
Talata 05 Septambra 2017

Nosokafana teny amin’ny Paon d’Or Ivato omaly alatsinainy 4 septambra ny andiany faha-3 amin’ilay kongresy fanao

isan-taonan’ireo tambajotra afrikanina miompana amin’ny fikarohana ny tontolon’ny hetra na ny ATRN. Mandritry ny 3 andro ny hetsika. Manodidina ny fanatsarana sy fanamorana ny fandoavan-ketra no vontoatin’ireo lahadinika hifandimbiasan’ireo firenena afrikanina mandray anjara. Araka ny fanazavan’ny tale jeneralin’ny hetra, Razafindrakoto Garisse, dia ny fahavononantsika amin’ny fiovam-penitra eo amin’ny fitantanana ara-ketra no mahatonga antsika mandray ny kongresy. Aoanatin’ny fiovam-penitra ny firosoana amin’ny fampiasana ireo teknolojia vaovao. Nambarany fa tsy mena-mitaha amin’ireo firenena afrikanina ny kalitaon’ny teknolojia hampiasaintsika. Tsy tafapetraka amin’ny ankamaroan’ny Malagasy anefa ny fampiasana azy ka sahirankirana isika. Hiteraka tohivakana eo amin’ny fifandraisan’ny isam-batan’olona amin’ny sampandraharahan’ny hetra anefa io fenitra vaovao io, hoy ny tenany.

J. Mirija