Fitakiam-bola amin’ny fanondranana ny asa tànana

Misy andininy tsy eken’ny HCC ao anatin’ny LFI 2024

Toekarena
Zoma 22 Desambra 2023

Nambaran’ny Fitsarana avo momba ny lalàmpanorenana na ny HCC fa

tsy mifanaraka amin’ny lalàmpanorenana ny andalana faha-20 amin’ny lalàna 2023-021 mikasika ny tetibolam-panjakana na LFI 2024. Mamaritra ny fanomezan-dàlana hanao fitakiam-bola ho an’ny Minisiteran’ny Asa tànana mba hanohanana ny tetibola ankampoben’ny Fanjakana amin’ny alalan’ny tamberiny na « redevance », tanterahan’ny sampan-draharaha nahazo alalana manokana. Vola mifandraika amin’ny fankatoavana na « certification » ny vokatry ny asa tànana halefa haondrana any ivelany io, izay voalaza fa tokony ho voafaritra ara-dalàna tsara ny taha sy ny fomba fitakiana ny vola mikasika izany. Notsipihin’ny HCC tao anatin’ny fanapahan-keviny, fa ny fanomezan-dàlana hitaky izany hetra izany dia isan-taona, ary tokony ho mifanaraka amin’ny lalàna mifehy ny tetibolam-panjakana.
Toky R
Sary fanehoana