Toekarena

Firaisakinan’ny terak’Ibara Mitaky fampandrosoana amin’ny filoha vaovao

Toekarena
Sabotsy 19 Janoary 2019

Tahaka ny fikambanan’ny faritra rehetra dia nanatanteraka fifampiarahabana nahatrarana ny taona 2019 ihany koa ny Firaisakinan’ny terak’ibara tetsy Ampefioha ny alakamisy 17 janoary lasa teo.

Tahaka ny rehetra dia manana ny vina napetrany ihany koa ny Firaisakinan’ny terak’ibara (FITIBA) mba hitondra fampandrosoana ho lovain-jafy sy tsy mitanila. Inoan’izy ireo fa voaray any amin’ny filoha ny hetaheta rehetra ary indrindra ny ezaka rehetra tokony hatao .Amin’izany rehetra izany mantsy dia tsy tokony hisy intsony ny zanakikalahafa amin’ny sehatra fampandrosoana. Manankarena ny FITIBA na arak’olona na araka harena voajanahary kanefa faritra tratra aoriana sy sahirana ka izany no anairany ity filoham-pirenena vaovao miaraka amin’ny vina nataony ity. Tahaka ny any amin’ny faritra rehetra dia nampaneno lakolosy izy ireo ny amin’ny tsy fandriampahalemana sy ny tsy fisian’ny asa ary ny fitotongan’ny fahaiza-miaina izay mampikoroso fahana ny firenena. Maro be ny vina sy velirano nataon’ny filoham-pirenena ka rariny sy hitsiny raha mamerina sy miandry ireny ny vahoaka miaina anty fahantrana.

Tsirinasolo